काठमाडौं । एकसाथ सगरमाथा आरोहण गर्दै कीर्तिमान राखेका स्लोभानियन आरोही दम्पती आन्द्रेज स्ट्रेम्फेल्ज र मारिजा स्ट्रेम्फेल्ज अब नेपालको सबैभन्दा लामो ग्रेट हिमालयन ट्रेलको यात्रामा निस्कने भएका छन् ।
नेपाल पर्वतारोहण संघले उनीहरु एक असाधारण साहसिक पदयात्रामा निस्कन लागेको बताएको छ । १३ सेप्टेम्बर ९२७ भदौ०मा यात्रा सुरु गर्ने तयारीमा रहेका उनीहरुले कुल ११० दिनको पदयात्रा नेपालमा गर्ने भएका छन् । आन्द्रेज र मारिजा दुवै उमेरले ६६ वर्ष पुगेका छन् ।
संघका सञ्चार अधिकारी दीपेन्द्र गुरुङका अनुसार यो जोडीले सुदूरपूर्वी नेपालको ताप्लेजुङबाट ग्रेट हिमालयन ट्रेलको यात्रा प्रारम्भ गर्नेछ । पूर्वी ताप्लेजुङको कञ्चनजङ्घा नर्थ आधार शिविर ९५,१४७ मिटरबाट सामान्यतया ग्रेट हिमालयन ट्रेलको यात्रा सुरु हुन्छ ।
पश्चिममा हुम्लाको हिल्सा ९३,६४७ मिं०मा ग्रेट हिमालयन ट्रेलको यात्रा समाप्त हुन्छ । यो रुटको कुल लम्बाइ १७ सय किलोमिटर छ । यस रुटभित्र नेपालका उत्कृष्ट पदयात्रा रुटहरु समेटिएका छन् । उच्च पहाडी तथा हिमाली ट्रेकिङ रुटहरु समेटेर ग्रेट हिमालयन ट्रेलको अवधारणा विकास गरिएको हो । कतिपयले भने ग्रेट हिमालयन ट्रेलको यात्रा दार्चुला सम्म पुगेर अन्त्य गर्ने गर्छन् ।
कस्तो छ यात्राको तयारी ?
संघका अनुसार यो जोडीले १३ सेप्टेम्बरबाट थालेको यात्रा १ जनवरी २०२४ मा सक्ने योजना बनाएका छन् । उनीहरुको साथमा २ जना पदयात्री गाइड समेत रहने भएका छन् । अहिले नेपालका धेरैजसो पदयात्रा रुटमा आवश्यक सुविधा पुगिसकेका कारण थप भरियाहरु लैजानु पर्ने बाध्यता भने छैन । संघले काठमाडौंबाट स्ट्रेम्फेल्ज दम्पतीलाई सोमबार विदाO गर्ने तयारी गरेको छ ।
